Суриянинг Иордания билан чегарасидаги «Насиб» назорат-ўтказиш пункти ўз фаолиятини қайтадан бошлади, дея хабар бермоқда «Коммерсантъ».
«Сурия ҳукумати бугун тонгда Иорданиядан келаётган юк ташувчи машиналар ва транзит транспорт воситалари учун ‘Насиб’ назорат-ўтказиш пунктини очди», — деди Сурия транспорт вазири Али Ҳамуд.
«Насиб» назорат-ўтказиш пункти 2012 йили жангарилар томонидан эгаллаб олинган эди. Бу ҳолат Сурия ва Иордания ўртасидаги транспорт қатновининг издан чиқишига сабаб бўлганди.
Сурия расмийлари 2018 йил июлида назорат-ўтказиш пункти билан ёнма-ён жойлашган Деръа вилоятида ҳукумат назорати ўрнатилиши борасида қуролли мухолифат билан келишувга эришди.
Худди шу июль ойининг ўзида назорат-ўтказиш пункти ҳам Сурия ҳукумат кучлари назоратига ўтган эди.
Изоҳ (0)