Индонезиянинг Сулавеси оролида юз берган зилзила ва цунами оқибатида камида 384 киши ҳалок бўлди. Бу ҳақда, расмий маълумотларга асосланиб, BBC News хабар бермоқда.
Улкан тўлқинлар Палу шаҳрига ёпирилган вақтида пляжда ҳордиқ чиқариб ўтирган юзлаб одамлар бедарак йўқолган, деб тахмин қилинмоқда.
Цунами Палу шаҳрига 7,5 магнитудали зилзиладан сўнг ёпирилиб келган. Дастлабки хабарларда улкан тўлқинлар ҳукумат цунами хавфини бекор қилганидан сўнг ёпирилиб келгани айтилганди.
Бироқ, расмийларнинг таъкидлашича, цунами тўлқинлари шаҳар соҳилларига келиб урилган вақтда огоҳлантириш ўз кучида бўлган ва ҳали бекор қилинмаган эди.
Изоҳ (0)