Пентагон бешинчи авлод F-35B қирувчи самолётининг Афғонистонда ўтказилган биринчи жанговар парвозининг ўтказилганини расман тасдиқлади. Самолёт парвоз вақтида ердаги нишонларга муваффақиятли зарба берган. Бу ҳақда «РИА Новости» хабар қилди.
АҚШ денгиз пиёдаларининг Twitter’даги саҳифасида жойлаштирилган видеода дастлаб битта F-35 нинг Essex универсал десант кемаси палубасидан учиб кетгани акс этган. Кейин самолёт палубага вертикал қўнишни амалга оширган. Essex АҚШ ҳарбий-денгиз кучларининг бешинчи флоти таркибида Ҳинд океанининг ғарбий қисмида — Арабистон денгизи ва Форс қўлтиғида ҳаракат қилади.
F-35B самолётнинг учта модификацияси орасида вертикал қўниш имкониятига эга бўлган ягонаси ҳисобланади, бундан ташқари, у учиб кетиш учун минимал масофани талаб қилади.
Изоҳ (0)