Норвегия 27 сентябрь куни ўзи тўлалигича ишлаб чиққан биринчи ракетанинг парвозини амалга оширди. Ракетанинг нархи тахминан 10,5 миллион еврога тенг. Бу ҳақда «РИА Новости» хабар берди.
Тўлалигича Норвегияда яратилган ва ишлаб чиқарилган биринчи ракета Андойя космик марказидан космосга учирилган. Парвоз муваффақиятли амалга оширилган.
Ракетага Норвегиянинг Наммо компанияси томонидан яратилган двигатель ўрнатилган. Аввал барча ракеталарга хорижда ишлаб чиқарилган двигателлар ўрнатилар эди.
Ракета денгиз устида 107 километр учган ва атмосфера ҳамда космик бўшлиқ чегарасини кесиб ўтган.
Ракетанинг оғирлиги 800 килограммга, узунлиги эса 9 метрга тенг, бироқ у жуда кичик ўлчамлари сабабли орбитада қола олмайди. Ракетанинг хавфсиз равишда денгизга қулаши тахмин қилинмоқда.
Изоҳ (0)