АҚШнинг Браун университети олимлари Марсда бир неча миллиард йил аввал ноорганик моддаларнинг оксидланиши ёрдамида ҳаёт фаолияти учун энергия олувчи хемосинтетик микроорганизмлар яшаши учун мос шароитлар бўлганини аниқлади, деб ёзади Science Alert.
Тадқиқотчилар Mars Odyssey орбитал қурилмаси ёрдамида олинган маълумотларни таҳлил қилиб чиқди. Улар тоғ жинсларида торий ва калий каби радиоактив элементлар бор-йўқлигини аниқлади. Сайёрашунослар Марс қобиғида 4 миллиард йил аввал торий, калий ва уран қандай миқдорда бўлганини аниқлашга муваффақ бўлди. Маълум бўлишича, радиоактив элементлар сув радиолизи — молекулаларнинг ионлаштирувчи нурланиш таъсири остида парчаланиши учун етарлича бўлган.
Олимлар аниқлашича, Марс қобиғида тирик организмлар яшаши учун потенциал яроқли бўлган кенг ҳудуд мавжуд бўлган, унинг қалинлиги бир неча километрга етган. Унда радиолиз натижасида юз миллионлаб йиллар давомида юза ости литотроф микроб экотизимини сақлаб туриш учун етарлича миқдорда водород ишлаб чиқарилган бўлиши мумкин.
Изоҳ (0)