Бугун, 21 сентябрь куни Тошкентдаги Миллий олимпия қўмитасида Индонезияда бўлиб ўтган XVIII Осиё ўйинларида ғолиб ва совриндор бўлган спортчиларни тақдирлаш маросими бўлиб ўтди. Бу ҳақда «Дарё» мухбири хабар бермоқда.
Тақдирлаш маросимида Ўзбекистон бош вазири Абдулла Арипов ҳам иштирок этди. Бош вазир ҳукумат номидан Осиё ўйинларида ғолиб ва совриндор спортчиларига мукофот пулларини топширди. Унга кўра, Индонезиядаги Осиё ўйинларида олтин медаль соҳиби бўлган спортчи 5000 доллар миқдоридаги мукофот пулига эга бўлган бўлса, кумуш медалини қўлга киритган спортчи 3000 доллар мукофот билан тақдирланди. Бронза медали соҳибларига эса 2000 доллар мукофот пуллари топширилди.
Маълумот учун, XVIII ёзги Осиё ўйинларида Ўзбекистон шарафини 30 та спорт тури бўйича 232 нафар спортчи ҳимоя қилди. Шундан 21 нафар спортчи олтин, 24 спортчи кумуш ва 25 нафар спортчи бронза медални қўлга киритди.
Изоҳ (0)