Тошкент шаҳар ҳокимлиги ва ИБББ вакилларидан иборат делегация Москвада бўлиб турибди. Бу ҳақда «Podrobno.uz» хабар бермоқда.
Сафар пойтахт ҳокимлигида транспорт ва йўл-транспорт инфраструктураси департаменти тузилаётгани билан боғлиқлиги билдирилмоқда.
«Москва ташқи иқтисодий ва халқаро алоқалар департаментида бўлиб ўтган учрашувда ҳокимликнинг Москва мэрияси билан тўғридан-тўғри алоқаларини йўлга қўйиш билан боғлиқ қатор масалалар муҳокама қилинди. Москва ҳукумати исталган йўналиш, жумладан, молиялаштириш масаласида ҳамкорликка тайёрлигини билдирди. Шунингдек, шаҳар йўловчи транспортини ривожлантириш, автобуслар еказиб бериш, йўл-транспорт инфраструктураси соҳасидаги ҳамкорлик муҳокама қилинди», — дея маълум қилди ҳокимлик матбуот хизмати.
Сафар доирасида делегация Москва йўл ҳаракатини ташкиллаш маркази фаолиятини ўрганмоқда. 1999 йилда ўз ишини бошлаган мазкур марказ бугунги кунда транспорт вазиятини яхшилаш бўйича МДҲ давлатлари орасида энг яхши ва намунали ташкилотлардан саналади.
Изоҳ (0)