Исроиллик ҳарбийлар 14 сентябрь куни Ғазо сектори чегарасида ҳалок бўлган 12 ёшли боланинг ўлимига алоқадорлигини рад этмоқда. Армия томонидан маълум қилинишича, бола кўп сонли намойишчилар томонидан отилган тошлардан ҳалок бўлган бўлиши мумкин, деб ёзади «РИА Новости».
Бола «қайтиш марши» деб аталаётган ва беш ойдан буён давом этаётган намойишлар навбатдаги акциясининг тўрт нафар қурбонидан бири бўлган. Мазкур намойиш ҳам Исроил ҳарбийлари билан қонли тўқнашувга олиб келган.
Бир қатор ташкилотлар томонидан хабар берилишича, бола Исроил ҳарбийлар томонидан отилган ўқнинг бошига тегиши оқибатида ҳалок бўлган.
Ғазо сектори соғлиқни сақлаш вазирлиги эса Исроил ҳарбийларининг баёнотига жавоб қайтариб, уларни боланинг ўлимида айбдор деб ҳисобламоқда.
Жорий йилнинг 30 мартидан буён давом этаётган «қайтиш марши» намойишларида 178 нафат фаластинлик ҳалок бўлган, 19,6 минг киши жароҳат олган.
Изоҳ (0)