Хитой жанубидаги 14 та йирик шаҳарларга ёпирилган «Мангхут» тўфони туфайли тўрт киши ҳалок бўлди. Бу ҳақда Гуандун провинцияси ҳукумати маълумотларига асосланиб, «РБК» хабар бермоқда.
Табиий офат етиб борган 118 та аҳоли яшаш пунктида камида 200 киши жабрланган.
Уч миллион киши эвакуация қилиниши кераклиги ҳақида огоҳлантириш олган. Табиий офат туфайли кўрилган моддий зарар миқдори 200 миллион юанни (29 миллион доллар) ташкил этади.
Қайд этилишича, тўфон 40 мингдан ортиқ уй хўжалигини электрсиз қолдирган. 900 дан ортиқ авиарейсларнинг бекор қилингани айтилмоқда.
Провинциядаги барча таълим муассасалари ёпилган.
Изоҳ (0)