Isroillik harbiylar 14-sentabr kuni G‘azo sektori chegarasida halok bo‘lgan 12 yoshli bolaning o‘limiga aloqadorligini rad etmoqda. Armiya tomonidan ma’lum qilinishicha, bola ko‘p sonli namoyishchilar tomonidan otilgan toshlardan halok bo‘lgan bo‘lishi mumkin, deb yozadi “RIA Novosti”.
Bola “qaytish marshi” deb atalayotgan va besh oydan buyon davom etayotgan namoyishlar navbatdagi aksiyasining to‘rt nafar qurbonidan biri bo‘lgan. Mazkur namoyish ham Isroil harbiylari bilan qonli to‘qnashuvga olib kelgan.
Bir qator tashkilotlar tomonidan xabar berilishicha, bola Isroil harbiylar tomonidan otilgan o’qning boshiga tegishi oqibatida halok bo‘lgan.
G‘azo sektori sog‘liqni saqlash vazirligi esa Isroil harbiylarining bayonotiga javob qaytarib, ularni bolaning o‘limida aybdor deb hisoblamoqda.
Joriy yilning 30-martidan buyon davom etayotgan “qaytish marshi” namoyishlarida 178 nafat falastinlik halok bo‘lgan, 19,6 ming kishi jarohat olgan.
Izoh (0)