«Ўзбектелеком» компанияси UzCard’даги носозликка алоқаси йўқлигини маълум қилди. Бу ҳақда компаниянинг Facebook’даги саҳифасида хабар қолдирилган.
«Ўзбектелеком» акциядорлик компанияси UzCard тизими фаолиятидаги носозликка алоқаси йўқлигини маълум қилади. Компаниянинг маълумот узатиш тармоқлари одатдаги тартибда ишлашда давом этмоқда», — дейилади «Ўзбектелеком» баёнотида.
Эслатиб ўтамиз, UzCard тизимида 15 сентябрь куни соат 18:52 дан бошлаб носозликлар кузатилмоқда — POS, Э-POS терминаллар ва АТМ қурилмалар процессинг маркази билан улана олмаяпти, шу сабаб пластик карта эгалари тўловларни амалга ошира олмаяпти.
UzCard юзага келган «вақтинчалик ноқулайликлар» учун узр сўраб, компания мутахассислари носозликларни бартараф этиш учун қўлидан келган барча чораларни ишга солаётганини маълум қилди. Тизим фаолиятини қайта тиклаш учун қанча вақт керак бўлиши ҳозирча номаълум.
Изоҳ (0)