Шарқий ҳарбий округ қўшинлари қўмондонлиги, вилоят мудофаа ишлари бошқармаси, Миллий гвардия, Ўзбекистон мудофаасига кўмаклашувчи «Ватанпарвар» ташкилоти жамоат ташкилотлари билан ҳамкорликда Фарғона вилоятида «Армия ва ёшлар» акцияси ўтказилди. Бу ҳақда Мудофаа вазирлиги матбуот хизмати «Дарё»га маълум қилди.
Бувайда тумани марказида ташкиллаштирилган ушбу акцияда 10 000 нафардан ортиқ ёшлар ва маҳалла фаоллари иштирок этди.
Акция доирасида иштирокчиларга 50 дан ортиқ турдаги ҳарбий техника ва қурол-яроқ намуналари, узоқликни аниқлаш ва мўлжалга олиш мосламалари, шунингдек, алоқа воситалари намойиш этилди.
Тадбирга ташриф буюрганларнинг мароқли ҳордиқ чиқаришлари учун ҳарбий оркестр тантанали концерт дастурини намойиш этган бўлса, ҳарбий хизматчиларнинг қўл жанги элементлари билан кўргазмали чиқишларини кўрсатди.
Изоҳ (0)