Қирғизистоннинг Чўлпон ота шаҳрида Туркий тилли давлатлар ҳамкорлик кенгашининг олтинчи саммити якунланди. Ўзбекистоннинг ушбу кенгашга қўшилиши масаласи олтинчи саммитнинг марказий воқеаларидан бирига айланди. Бу ҳақда «Жанубий Кавказ» сиёсатшунослар клуби (Озарбайжон) раҳбари Илгар Вализода айтиб ўтди, деб ёзади «Podrobno.uz».
Унинг сўзларига кўра, Ўзбекистон Туркий тилли давлатлар ҳамкорлик кенгашига аъзо бўлгач, ушбу ташкилотнинг мақоми сезиларли даражада ошади.
«Ташкилотнинг сиёсий ва геосиёсий вазни ортиши аниқ. Бошқа томондан қараганда, Ўзбекистондек иштирокчининг қўшилиши Кенгаш ишининг кучайишига таъсир қилади… Маданий-гуманитар алоқалардан ташқари, олтинчи саммитда иқтисодиёт, туризм, минтақавий хавфсизлик, спорт ва ёшлар сиёсати масалаларига тўхталиб ўтилди. Айтганча, яқиндан бошлаб Ўзбекистонда хорижий инвесторлар учун эшиклар очилди. Кенгаш мамлакатларининг бизнес-тузилмалари илк йирик инвесторларга айланиши мумкин. Шу сабабли Шавкат Мирзиёев Туркий тилли давлатлар ҳамкорлик кенгаши доирасидаги ҳамкорликни кучайтиришга қаратилган тўғри қарорни қабул қилди», — деди Вализода.
Изоҳ (0)