Россия Жазони ижро этиш федерал хизмати ходими лейтенант Алексей Акчурин бир ярим йилга шартли равишда озодликдан маҳрум этиш жазосига ҳукм қилинган ва икки йиллик синов муддати белгиланган. У тергов изоляторидаги аёлга тақиқланган нарсалар олиб кириб берган. Бу ҳақда «MK.ru» хабар берди.
Москванинг Люблин туман суди Акчуринни мансаб лавозимини суиистеъмол қилганликда айбдор деб топган.
Хабар берилишича, Реана Теймурова исмли аёл эркакларга спортли клофелин қуйиб бериб, унинг таъсири остида қолганларни ўмарган. Теймурованинг ҳаракатларидан жабрланган бир киши ҳалок бўлган. 2017 йилда Люблин туман суди аёлни 12 йилга қамоқ жазосига ҳукм қилган. Акчурин аёл тергов изоляторида бўлган вақтда унга нарсалар ташиб турган.
Теймурова тергов изоляторида бўлган вақтда Акчурин унга интернетга улана оладиган 18 та мобил телефон киритиб берган. Бироқ аёл бошқа нарсаларни етказиб беришни ҳам сўраган.
Акчурин томонидан изоляторга олиб кирилган нарсалар орасида жавоҳирли тилла зираклар, бир нечта атир, тиббий препаратлар бўлган.
Бундан ташқари, лейтенант аёл учун «ижодий материаллар« — қурилиш исканаси, расм чизиш учун бўёқлар, мўйқалам ва елим етказиб берган. Ҳар сафар буюмлар етказиб берилганидан кейин Теймурованинг қариндоши Акчуриннинг шахсий банк ҳисобрақамига 20—30 минг рубль ўтказган. Бу факт унга қарши жиноий ишда асосий далил бўлган. Акчуриннинг ўзи айбини тан олган ва жазони енгиллаштиришни сўраган.
Изоҳ (0)