Афғонистон пойтахтининг ғарбий қисмида уюштирилган теракт қурбонлари сони 20 кишига етди. Бундан ташқари, 70 киши яраланган, деб хабар беради «РИА Новости».
Олдинроқ биринчи портлаш натижасида тўрт киши ҳалок бўлгани, 18 киши яралангани билдирилган эди.
Биринчи портлаш Кобул ғарбидаги олтинчи полиция кварталида жойлашган яккакурашлар клубида бўлиб ўтаётган мусобақа чоғида рўй берган. Портловчи ускунани худкуш ҳаракатга келтирган.
Шу ернинг ўзида иккинчи портлаш ҳам амалга оширилди. Айтилишича, иккинчи теракт биринчисининг оқибатларини бартараф учун етиб келган ҳуқуқ-тартибот органлари ходимларига қарши уюштирилган.
Изоҳ (0)