Америка Қўшма Штатлари 1960 йилларда етакчи қудратли саноат мамлакатлари сифатида собиқ иттифоқ ва Хитойни оммавий йўқ қилиш бўйича режаларни тайёрлаган, шу билан бир қаторда, Америка ҳарбийлари ушбу давлатларнинг фуқароларини оммавий қирғин қилиш имкониятини кўриб чиққан, деб ёзади «РИА Новости».
Тадқиқотчилар эътиборини 1964 йил санаси кўрсатилган Ягона интеграллашган тезкор режа (SIOP) ҳужжатлари тортган. Унда ядро қуролини қўллаш масалалари кўриб чиқилган бўлган. Хусусан, ҳужжатда собиқ иттифоқ саноат салоҳиятининг 70 фоизини йўқ қилиш зарурати ҳақида гап борган.
Шу билан бирга АҚШ фуқароларнинг оммавий ҳалокатга учраши имкониятини ҳам четда қолдирмаган.
1961 йилги режага мувофиқ, SIOP режаси совет шаҳарларининг 71 фоизини йўқ қилишни назарда тутган бўлса, 1962 йилги режаларда СССР фуқароларининг 70 миллионга яқини ҳалок бўлиши кўзда тутилган.
Шу билан бирга АҚШ бирлашган штаблари қўмита раҳбарлари аҳолининг йўқ қилиниши ғоясига совет иттифоқи устидан ғалаба қозонишнинг асосий омили сифатида қараган.
Singel Integrated Operational Plan, ёки SIOP — АҚШ Қуролли Кучлари томонидан ядро қуролини жанговар қўлланилишининг батафсил регламентини ўз ичига олган ўта махфий тезкор ҳужжатлар мажмуасидир.
Изоҳ (0)