Ўзбекистонда хусусий инвесторларни жалб қилган ҳолда кўп қаватли ва оддий автомобиль тураргоҳларини қуриш дастурини тасдиқлаш режалаштирилмоқда. Бу ҳақда «Podrobno.uz» хабар берди.
Пойтахтда давлат-хусусий шериклик асосида автомобиль йўллари бўйлаб пулли тураргоҳлар ташкил қилиш бўйича лойиҳалар амалга оширилади. Эксперимент 2018 йилнинг 15 августидан 2019 йилнинг 15 августигача ўтказилади.
«Ҳозирда тадбиркорлар учун барча шароитлар яратилмоқда, жумладан, инвестиция лойиҳаларини амалга ошириш борасида ҳам. Ер участкалари 2018 йил 1 октябрдан 50 йилгача бўлган муддатга узоқ муддатли иажарага берилади», — деди Тошкент ҳокимининг инвестициялар, инновациялар, саноатни, туризмни ривожлантириш ва хусусийлаштирилган корхоналарга кўмаклашиш масалалари бўйича ўринбосари Шароф Раҳмонов Халқаро пресс-клуб мажлисида.
Асосан йўл ҳаракати соҳасида инновация лойиҳаларини амалга оширишда тажрибага эга тадбиркорлик субъектларига маҳаллий давлат ҳокимияти органлари тасарруфида бўлган, шу жумладан, бозорлар ва савдо комплексларига туташ ҳудудларда жойлашган автомобилларни вақтинчалик сақлаш жойларини давлат-хусусий шериклик шартларида 10 йилга қадар муддатга ижарага берилади. Бундай жойлар аукционлар орқали сотилади ва энг юқори ижара тўловлари ва инвестиция мажбуриятларини таклиф этган субъектларга берилади.
Изоҳ (0)