Россия адлия вазирлиги мамлакат ички ишлар вазирлиги томонидан ишлаб чиқилган, полицияга жиноятларни фош қилишда ёрдам берган фуқароларни моддий рағбатлантириш ҳақидаги буйруқни тасдиқлади, деб ёзади «РБК».
Ҳужжатга кўра, жиноятни фош қилиш ёки жиноятчини тутишда ҳамкорлик қилишни сўраб аҳолига мурожаат қилиш учун, ИИВ органи бўлинмаси молиявий-иқтисодий сиёсат ва ижтимоий кафолатлар таъминоти бўйича департаментга мурожаат қилиши керак. Агар ташаббус қўллаб-қувватланса, мукофот пули кўрсатилган маълумот ИИВ сайтида ва ОАВларда эълон қилиниши керак. 500 минг рублгача бўлган тўловлар ҳудудий даражада, 3 миллион рублгача бўлган мукофот пуллари эса ИИВ раҳбарининг биринчи ўринбосари томонидан тасдиқланади, катта суммаларни тўлаш ҳақидаги қарорни ИИВ раҳбари Владимир Колокольцев қабул қилади.
Молиявий-иқтисодий сиёсат ва ижтимоий кафолатлар таъминоти бўйича департамент келишилган суммани ИИВ ҳудудий органига кўчириб ўтказади. Буйруқ чиқарилгач, информаторга мукофот тўланиши ҳақида икки ҳафта ичида хабар берилиши керак. Рағбатлантириш рад этилган тақдирда, ИИВ бу ҳақда қарор қабул қилинганидан кейин етти кун ичида хабар бериши керак.
Изоҳ (0)