20 август куни эрталаб Ўзбекистон бош вазири Абдулла Арипов Бекободдан Тошкентга келаётган йўлда йўл-транспорт ҳодисасига учради. Бу ҳақда «Газета.uz» хабар бермоқда.
Ҳукумат раҳбари хизмат машинасида бўлган. У енгил тан жароҳатлари билан шифохонага етказилган, унинг саломатлигига ҳеч нарса таҳдид солаётгани йўқ, дея таъкидлади ахборот манбаси.
Бош вазир ўринбосари, «Ўзбекнефтгаз» компанияси раиси Алишер Султонов ҳам жароҳат олган. Унинг хизмат машинаси Бекободдан Тошкентга ҳаракатланаётган ҳукумат кортежи олдида келаётганда Damas автомобили иштирокида тўқнашув содир бўлган. Damas ҳайдовчиси бошқарувни йўқотиб, қарама-қарши йўналишга чиқиб кетган.
Хизмат машинасида бош вазир билан бўлган яна бир киши, шунингдек бош вазир ўринбосари енгил тан жароҳатлари билан шифохонага ётқизилган, деди ахборот манбаси.
Бош вазир ишга чиқишга улгурди. Унинг саломатлигига ҳеч қандай таҳдид йўқ, дея таъкидлади ахборот манбаси.
Изоҳ (0)