«Тошкент» телеканалининг «Пойтахт йўлларида» кўрсатуви яна эфирга қайтмоқда. Бу ҳақда «Дарё»га кўрсатув муаллифи Нигора Тўлабоева маълум қилди.
20 август куни соат 20:00 да томошабинлар эътиборига ҳавола этиладиган кўрсатув пиёдалар иштирокидаги йўл-транспорт ҳодисаларига бағишланган.
Жумладан, актриса Фарангиз Режаметованинг ўлимига сабаб бўлган ЙТҲ батафсил таҳлил қилинган. Пойтахтнинг Қорақамиш даҳасида она-боланинг умрига зомин бўлган ҳодиса ҳаракат хавфсизлиги таъминланмагани, пиёдалар ўтиш йўлаги белгиланмагани оқибати эканлиги кўрсатиб ўтилган.
Шунингдек, мазкур кўрсатув орқали акасининг автомобилини олиб қочган ука саргузаштларига ҳам гувоҳ бўлишингиз мумкин.
Изоҳ (0)