20-avgust kuni ertalab O‘zbekiston bosh vaziri Abdulla Aripov Bekoboddan Toshkentga kelayotgan yo‘lda yo‘l-transport hodisasiga uchradi. Bu haqda “Gazeta.uz” xabar bermoqda.
Hukumat rahbari xizmat mashinasida bo‘lgan. U yengil tan jarohatlari bilan shifoxonaga yetkazilgan, uning salomatligiga hech narsa tahdid solayotgani yo‘q, deya ta’kidladi axborot manbasi.
Bosh vazir o‘rinbosari, “O‘zbekneftgaz” kompaniyasi raisi Alisher Sultonov ham jarohat olgan. Uning xizmat mashinasi Bekoboddan Toshkentga harakatlanayotgan hukumat korteji oldida kelayotganda Damas avtomobili ishtirokida to‘qnashuv sodir bo‘lgan. Damas haydovchisi boshqaruvni yo‘qotib, qarama-qarshi yo‘nalishga chiqib ketgan.
Xizmat mashinasida bosh vazir bilan bo‘lgan yana bir kishi, shuningdek bosh vazir o‘rinbosari yengil tan jarohatlari bilan shifoxonaga yotqizilgan, dedi axborot manbasi.
Bosh vazir ishga chiqishga ulgurdi. Uning salomatligiga hech qanday tahdid yo‘q, deya ta’kidladi axborot manbasi.
Izoh (0)