Бугун,

  • USD 11095.31
  • RUB 173.84
  • EUR 10772.44

Давлат божхона қўмитасининг Тошкент вилояти божхона бошқармаси ходимлари томонидан республикага йирик миқдордаги товар-моддий бойликларнинг ноқонуний олиб кирилишига чек қўйилди. Бу ҳақда Давлат божхона қўмитаси ахборот хизматига таяниб, «Халқ сўзи» хабар берди.

Фото: «Халқ сўзи»

Фото: «Халқ сўзи»

«Яллама» чегара божхона постида қўшни давлат фуқароси А.Т. бошқарувида кириб келган юк автомашинаси инспексион кўрик мажмуаси орқали кўздан кечирилганида, автомашинага ортилган юклар билан йўл-юк кузатув ҳужжатларида кўрсатилган маълумотлар ўртасида тафовутлар мавжудлиги аниқланди.

Холислар иштирокида автомашинадаги юклар божхона кўригидан ўтказилганида эса шубҳалар ўз тасдиғини топди. Ҳужжатларга кўра юк машинасига Хитойдан келтирилган 3 минг 700 АҚШ доллари қийматидаги 25 тоннадан ортиқ товар-моддий бойликлар ортилган бўлиши лозим эди.

Аммо, кўрик давомида автомашинада ҳужжатларда умуман қайд этилмаган 4800 дона парда безаклари ва 1200 дона электр ҳисоблагичлар мавжудлиги аниқланди.

Баҳолаш бўйича экспертларнинг хулосасига кўра, юқоридаги ҳолатда олиб қўйилган товар-моддий бойликларнинг умумий қиймати 537 миллион 600 минг сўмни ташкил қилди.

Ҳозирда ушбу ҳолат юзасидан жиноят иши қўзғатилди.

Изоҳ
Асосий янгиликлар
Дунё
Кремль Путиннинг «сафарбар этилганларнинг оналари» билан учрашувини қандай ташкиллаштиргани маълум бўлди
Маҳаллий
Ўзбекистоннинг бир қатор ҳудудларида 4 декабрь куни қор ёғади
Спорт
Жердан Шакири Месси ва Роналдуга етиб олди