Ўқитувчи ва мураббийларнинг ижтимоий мавқеи ва нуфузини оширишга қаратилган Президент, шунингдек, ягона мактаб формаси билан таъминлашга оид ҳукумат қарорлари бўйича матбуот анжумани ўтказилди. Бу ҳақда Адлия вазирлиги маълум қилди.
Тадбирда Халқ таълими вазирлиги бошқарма бошлиғи Акбар Тоғаев иштирок этиб, ОАВ вакилларини қизиқтирган саволларига жавоб берди.
Унинг таъкидлашича, уй-жой кредити бўйича махсус тартиб ишлаб чиқилиб тасдиқланади, унда уй-жойлар қайси мезонлар бўйича тақсимланиши каби масалалар қамраб олинади.
Автокредит барча ўқитувчиларга берилмайди. Халқ таълими вазирлиги томонидан автокредит ажратиш тавсия қилинадиган педагог ходимлари бўйича рўйхат шакллантирилади. Бунда иш стажи, ютуқлари ва бошқа шу каби мезонларга эътибор қаратилади.
Агар бу йилга мактаб формаси олиб қўйилган бўлса, янги форма олиш шарт эмас, ўша формани кийиб мактабга келишга рухсат берилади.
Монополияга йўл қўйилмайди, яъни мактаб формасини кимдан олишни умуман аҳамияти йўқ, белгиланган стандартга мос келса бўлди, ўзлари тиктирса ҳам бўлади.
Мактаб формаси бўйича таклифлар билан бемалол мурожаат қилиш мумкин, яъни мактаб формаси шу шаклда қолиб кетмайди, уч йилгача фикр- мулоҳазалар ўрганилиб, тегишли ўзгартиришлар киритилади.
Изоҳ (0)