Президент фармонига мувофиқ Инновацион ривожланиш вазирлиги томонидан Ўзбекистон Республикасининг «Фан тўғрисида»ги қонуни лойиҳаси ишлаб чиқилганди. Бу ҳақда «Дарё»га вазирлик матбуот хизмати хабар берди.
Бугунги кунда фан соҳасида ҳуқуқий муносабатларни тартибга солиш, илмий тадқиқотларни амалга ошириш, истиқболли илмий ишланмаларни амалиётга татбиқ этишнинг самарали механизмларини яратиш бўйича ҳуқуқий ҳужжат мавжуд эмас. Дунёнинг ривожланган мамлакатлари — АҚШ, Германия, Франция, Жанубий Корея, Сингапур, Япония ва МДҲ давлатларида эса бундай қонунлар илм-фан, иқтисодиёт ва жамият ривожининг ҳуқуқий асосига айланган.
Қонун лойиҳаси юзасидан Ўзбекистон Республикаси Фанлар академияси ва унинг ҳузуридаги илмий-тадқиқот институтлари, вазирлик ва идоралар, Юқори технологиялар маркази, Ўзбекистон ёшлар иттифоқи ва олий таълим муассасаларида 100 дан ортиқ муҳокамалар ташкил қилинди. Манфаатдор вазирлик ва идораларнинг таклиф ва эътирозлари инобатга олиниб, тегишли тузатишлар киритган ҳолда Вазирлар Маҳкамасига тақдим этилди.
2018 йилнинг I чорагида «Фан тўғрисида»ги қонуни лойиҳасига www.regulation.gov.uz веб-сайтида фуқаролар томонидан жуда катта қизиқиш билдирилди. Ушбу қонун лойиҳаси 2210 та изоҳ қолдирилган норматив ҳужжат сифатида етакчи ўринни эгаллади
Изоҳ (0)