11 нафар энг бадавлат россиялик бизнесменларнинг бойлиги 10 август куни бир кун ичида 3 миллиард доллардан зиёдга камайди, деб ёзади Meduza Bloomberg рейтингига таяниб.
9 август куни кечқурун Россия президентининг ёрдамчиси Андрей Белоусов Владимир Путин номига ёзилган хатда Россиянинг металлургия ва кимё компаниялари даромадларидан 500 миллиард рубль мусодара қилишни таклиф этган эди.
Bloomberg ҳисоб-китобларига кўра, энг кўп «Новолипецк металлургия комбинати» эгаси Владимир Лисин йўқотган — унинг давлати 832 миллион долларга камайган.
Виктор Рашников («Магнитогорск металлургия комбинати») ва Алексей Мордашов («Северсталь») 450 миллион доллардан, Роман Абрамович (Evraz) 381 миллион доллар, Владимир Потанин эса («Норникель») 290 миллион доллар йўқотган.
Ушбу бизнесменларга тегишли компаниялар «Белоусов рўйхати»га киритилган.
Изоҳ (0)