Бутун дунё бўйлаб Хитой юанидан тортиб, Аргентина песосигача бўлган ривожланаётган мамлакатлар валюталари курслари пасайиб бормоқда, деб ёзади Meduza. Бунинг ўзи янгилик эмас — доллар уларга нисбатан камида йил бошидан буён мустаҳкамланиб бормоқда.
Аммо августда силлиқ пасайиш кескин қулашга ўтди. Масалан, турк лираси бир кунда 18 фоизга (бир йилда — 45 фоизга) тушди. Бу ҳам Туркия иқтисодиётидаги камчиликларга, ҳам Туркиянинг АҚШ билан низосига алоқадор.
Инвесторлар Дональд Трамп бошқа мамлакатлар билан музокараларни қанчалик қаттиқ олиб бораётганини кўриб, маҳаллий валюталарни сотмоқда. Буларнинг барчаси эса ҳатто АҚШ билан жанжаллашмаган Индонезия, Аргентина, Жанубий Африка, Ҳиндистон ва бошқа ривожланаётган мамлакатлар валюталарининг пасайишига олиб келмоқда (инвесторлар ҳадиксираб, хатарли активлардан қочмоқда).
Баъзилар бунда 1998 йилги инқирознинг такрорланишига ишорани кўрмоқда, айримлар эса ҳеч қандай қўрқинчли нарса йўқлиги, глобал инқироз бўлмаслигини айтмоқда.
Изоҳ (0)