Ўзбекистон истеъмолчилар ҳуқуқларини ҳимоя қилиш жамиятлари федерацияси Қорақалпоғистон Республикаси, вилоятлар ҳамда Тошкент шаҳри марказий бозорларида сотилаётган озиқ-овқат, ноозиқ овқат ва қишлоқ хўжалик маҳсулотлари нархларининг бугунги кундаги ҳолатини эълон қилди.
Республика бозорларида гуручни 4-13 минг сўмгача учратиш мумкин. Қўйлиқ деҳқон бозоридаги энг қиммат нархдаги гуруч бу ҳафтада ҳам сақланиб қолган — 13 минг сўм. Энг арзон гуруч Термиз шаҳар марказий деҳқон бозорида — 3500 сўм. Шунингдек, Нукус, Жиззах шаҳар марказий деҳқон бозорларида 4 000 минг сўм.
Мамлакат бозорларида 1 килограмм ўсимлик ёғи 8-12 минг сўмдан сотилмоқда. Ушбу маҳсулотнинг энг арзонини Нукус шаҳар марказий деҳқон бозорида учратиш мумкин — 8 минг. Энг қиммат нархларни Бухоро, Жиззах шаҳарлари, «Фарҳод» (Тошкент шаҳри) деҳқон бозорларида учратиш мумкин — 12 минг сўм.
Энг арзон ун нархи Термиз шаҳар марказий деҳқон бозорида кузатилди —1 килограмм 1-навли ун 1500 сўм. Энг қиммат нархлар эса Жиззах шаҳар марказий деҳқон бозорида — 3500 сўм.
Энг қиммат нархлардаги шакар Нукус шаҳар марказий деҳқон бозори ва Янги шаҳар бозори (Андижон)да — 1 килограмм шакар 5 500 сўм. Энг арзони эса Навоий шаҳри марказий деҳқон бозорида — 4 минг сўм.
Ўтган ҳафтада бозорларда тухум нархларининг ўсгани кузатилган эди. Бу ҳафтада кўплаб бозорлардаги тухум нархлари бир хил 350-500 сўм. Энг арзон нарх Қарши шаҳри «Ерқўрғон» деҳқон бозорида — 330 сўм. Энг қиммат нарх «Қўйлиқ» деҳқон бозори (Тошкент шаҳри)да — 400-600 сўмдан сотилмоқда.
«Ерқўрғон» деҳқон бозоридан 1 килограмм картошкани 500 сўмдан 1200 сўмгача харид қилиш мумкин бўлиб турган бир пайтда, Гулистон шаҳри марказий деҳқон бозори (Сирдарё)дан 1 килограмм картошкани 1500 сўмдан 3000 сўмгача сотилмоқда.
Нукус шаҳар марказий деҳқон бозорида 1 килограмм помидор 1000 – 1500 сўм. «Фарҳод», «Қўйлиқ» деҳқон бозорлари (Тошкент шаҳри)да 4000 минг сўмгача сотилмоқда.
Изоҳ (0)