Ferrari компанияси дебюти сентябрь ўрталарида махсус тадбирда бўлиб ўтадиган янги суперкарнинг илк суратини намойиш этди. Миш-мишларга кўра, заводдаги ички рақами F176 бўлган спидстер 812 Superfast модели базасида тайёрланади ва расман 812 Monza номини олади. Бу ҳақда «Мотор» хабар бермоқда.
Услуб жиҳатидан Ferrari 812 Monza модели 2000 йилда тақдим этилган Ferrari Rossa концепт-карини такрорлайди. Машина дизайни афсонавий 250 Testa Rossa’дан илҳом олингани ҳолда Pininfarina ателеси томонидан тайёрланган. Автомобиль олд ойнанинг пастлиги ва хавфсизлик ёйлари (дугалари)нинг релефли экани билан ажралиб туради.
Машина мотори ҳақида ҳозирча маълумот йўқ. Маълумот учун, оддий 812 Superfast’га ҳажми 6,5 литрли V12 атмосфера-двигатель ўрнатилади; унинг қуввати 800 от кучига тенг. У икки уланиш (ссепления)ли етти босқичли робот узатмалар қутиси билан ҳамоҳангликда суперкарни атиги 2,9 сонияда соатига 100 километрлик тезликка олиб чиқа олади. Автомобильнинг энг юқори тезлиги соатига 340 километр билан чеклаб қўйилган.
Изоҳ (0)