Австриядаги тоғ кони раҳбарияти очиқ саёз кон ҳудуди бўйлаб сайрлардан фойдаланишни таклиф қиляпти. Сайр давомида ташрифчиларни жаҳондаги энг улкан такси — 55 тоннали Haulpak 85 кон самосвали олиб юради, деб ёзади «Мотор».
Катталар учун энг арзон чипта нархи 17 еврони ташкил этади. «Такси» кон меҳмонларига хизмат кўрсатаётгани акс этган видео YouTube’даги GooDMooD каналида эълон қилинган.
Ташрифчилар самосвалда коннинг илонизи йўлларидан олиб юрилади, шунингдек, улар рудани қазиб олиш жараёнини бевосита кузатиш имконига эга бўлади. Бундан ташқари, қўшимча ҳақ эвазига кондаги портлаш ишларини ҳам томоша қилиш мумкин.
Маълумот учун, Haulpak 85 самосвалининг узунлиги 11,5 метрни, эни 5,5 метрни, баландлиги эса 4,5 метрни ташкил этади. Машинага 860 от кучига эга V12 двигатель ўрнатилган бўлиб, у соатига 50—55 литр ёқилғи «истеъмол қилади». Самосвал соатига 60 километргача тезликда ҳаракатланиши, 77 тоннагача руда ташиши мумкин.
Изоҳ (0)