Россия Мудофаа вазирлигини ўзининг YouTube’даги саҳифасида «Автобронетанк техника усталари» танловида илк бор иштирок этаётган аёллар жамоасининг машғулот жараёни акс этган роликни эълон қилди. Бу ҳақда «Мотор» хабар бермоқда.
Хабар беришларича, Россия Мудофаа вазирлигининг Автобронетанк бош бошқармасининг аёллар жамоаси мусобақада «КАМАЗ-4350», «КАМАЗ-5350» юк машиналари, «КАМАЗ-65225» шатакчиси ва UAZ Patriot йўлтанламасида иштирок этади. Ушбу жамоа учта хорижий ва Россиянинг иккита эркаклар жамоалари билан баҳс олиб боради.
Июнь ойида YouTube’даги AiirSource Military канали ҳар йили анъанавий тарзда ўтказиладиган Strong Europe Tank Challenge танк мусобақасидан тайёрланган роликни эълон қилган эди. Унда АҚШ, Буюк Британия ва Польшадан келган жамоалар Abrams M1А2, Challenger II ва Leopard 2A5 танкларида тўсиқлардан ўтиш ва автомобилларни янчиш синовларидан ўтаётгани кўрсатилган эди.
Изоҳ (0)