Индонезиядаги Ломбок оролининг шимолий қисмида 5,5 магнитудали зилзила юз берди, деб ёзади «Корреспондент.net».
6 август куни кечқурун қайд этилган зилзила эпицентри Матарам шаҳридан 47 км шимоли-шарқда жойлашди.
Эпицентрдаги тебранишлар шиддати бўйича зилзила «жуда кучли» деб баҳоланмоқда.
Маълумот учун 5 август, якшанба куни Ломбок оролда 6,9 балли зилзила юз берди. Аввалроқ 80 нафар, кейин 91, 6 август куни эса 142 киши ҳалок бўлгани ҳақида хабар қилинди. Ер силкинишлари қўшни Бали оролида ҳам сезилган. Қайд этилишича, Балида 2 киши ҳалок бўлган.
Изоҳ (0)