Бразилия меҳнаткашлар партияси қамоқхонадаги собиқ президент Луис Игнасиу Лула да Силвани мамлакат президентлиги лавозимига номзод сифатида илгари сурди. Қарор партия умуммиллий съездида қабул қилинди, деб ёзади «Коммерсантъ».
«Бугун, бу тарихий кунда, Лула республика президентлиги учун бизнинг номзодимиз. Биз унинг номзодини 15 август куни рўйхатдан ўтказамиз», — дея сўз берди партия раиси Глейзи Хоффман.
Бундан ташқари, съездда Лула да Силванинг қамоқхонада ёзилган мактуби ўқиб берилди. «Номзод бўламан, чунки ҳеч қандай жиноят содир этмаганман», — деб ёзади у.
Луис Лула да Силва 2001—2011 йилларда Бразилия президенти лавозимини эгаллаган.
Изоҳ (0)