Бангладеш ҳукумати мамлакатда мобил интернет тезлигини пасайтириш ҳақида қарор қабул қилди. «Коммерсантъ»нинг ёзишича, бунга ўсмирларнинг тартибсизликларга айланиб кетган норозилик намойишлари сабаб бўлган.
Намойишлар йўлларда ҳаракат хавфсизлиги зарур даражада таъминлангани боис икки ўсмир йўл-транспорт ҳодисаси оқибатида ҳалок бўлганидан сўнг бошланган эди.
Норозилик намойишлари оқибатида 100 дан ортиқ киши тан жароҳати олди, ҳукумат эса мобил телефонлар орқали интернетдан фойдаланишни мураккаблаштириш тўғрисида ҳужжат чиқарди.
Бангладешда телекоммуникация тармоғини тартибга солиш учун масъул комиссия вакилининг тасдиқлашича, ҳукумат ҳақиқатан ҳам 3G ва 4G хизматларини 24 соатга ўчириб қўйиш ҳақида буйруқ чиқарган.
Agence France-Presse агентлиги маълумотларига кўра, ушбу буйруқ норозилик намойишларида қатнашаётган ёшлар ўз ҳаракатларини мувофиқлаштира олмасликлари учун чиқарилган.
Изоҳ (0)