Фарғона вилояти Ёзёвон туманининг Сойбўйи қишлоғида 33-оилавий поликлиника фойдаланишга топширилди. Бу ҳақда «Дарё» мухбири Азизжон Эрматов хабар берди.
Фото: «Дарё»Сойбўйи, Юқори Сойбўйи, Гулистон, Беруний, Тошҳовуз ва Иттифоқ маҳаллаларидаги 20 минг нафардан ортиқ аҳолига хизмат кўрсатувчи мазкур тиббиёт муассасаси «Электрон поликлиника» автоматлаштирилган ахборот тизимига уланди. Энди беморлар оилавий поликлиникага келиб, навбат кутиб, вақтини беҳуда сарфламайди. Интернет тармоғи орқали шифокор қайси вақтда ишлашини билиб, электрон рўйхатга ёзилиш мумкин.
Фото: «Дарё»«Электрон поликлиника» тизимига мувофиқ, поликлиника хизмат кўрсатадиган маҳаллаларда яшовчиларга очилган барча тиббий карталар Соғлиқни сақлаш вазирлиги корпоратив тармоғидаги электрон базага киритилади. Натижада фуқаронинг тиббий картаси мамлакатдаги барча оилавий поликлиникалар компьютерларида кўринади. Бу фуқарога республиканинг қайси ҳудудида тиббий хизматга эҳтиёж сезса, ўша ердаги бирламчи тиббий-санитария ёрдами муассасасига мурожаат қилиш имконини беради.
Оилавий поликлиникада замонавий лаборатория, УЗИ, ЭКГ, терапевт, стоматолог, педиатр, жарроҳ, умумий амалиёт шифокорлари хизматлари йўлга қўйилган. Шунингдек, 4 ўринли кундузги стационар ҳам ишлаб турибди.
Изоҳ (0)