Мирзо Улуғбек туманидан оқиб ўтувчи Салор, Қорасув ва Пулемас-янги магистрал каналлари, Ялонғоч, Тўрт, Юзариқ, Оққўрғон, Дархон хўжаликлараро каналларидаги вазият ачинарли эканлиги аниқланди, деб хабар беради туман ҳокимлиги матбуот хизмати.
Туман бўйича тузилган ишчи гуруҳлари томонидан каналларнинг муҳофаза ҳудудларида ўрганишлар давомида аҳоли томонидан ўзбошимчалик билан қурилган турар ва нотурар жойлар, овқатланиш масканлари, чойхоналар ва гаражлар ва бошқа бинолар қуриб олинганлиги маълум бўлди.
Бундан ташқари, фуқаролар томонидан маиший ва қурилиш ҳамда бошқа чиқиндиларни сув бўйига улоқтириб кетилиши оқибатида йиллар давомида улар катта уюмларга айланиб, антисанитария ҳолатига келиб қолганлиги аниқланди.Бугунги кунда каналлар бўйи ҳудуди мавжуд ноқонуний қурилмаларни бузиш бўйича судларга даво аризалари киритилмоқда. Ҳар куни Фавқулодда вазиятлар ходимлари, ободонлаштириш бошқармаси, маҳалла фаоллари ва аҳоли иштирокида равишда канал бўйларини тозаланиб, тонналаб чиқиндилар махсус техника воситаларини жалб этган ҳолда чиқариб ташланмоқда.
Тумандаги А.Югнакий, Хумоюн, Авайхон, Чимён, Олтинтепа, Улуғбек ва бошқа маҳаллаларда ариқ ва каналлар, уларнинг ўзанлари, қирғоқ бўйларини тозалаш ва ободонлаштириш, муҳофаза ҳудудларида барпо этилган ноқонуний қурилмаган ва ўрамаларни бартараф этиш борасида кенг кўламли ишлар кетмоқда.
Сув каналлардан ҳеч қандай тўсиқларсиз равон оқмоқда. Хусусан, каналлар ёқасида аниқланган 100 дан ортиқ гаражлар, 151 та турар жой ва 61 та нотурар жой бинолари аниқланиб, қуриб олинган биноларга нисбатан 47 та даъво аризалари киритилди, ўрамалар ва гаражлар аҳоли иштирокида ўрнатилган тартибда бартараф этилмоқда.
Эндиликда, каналлар ёқасида текисланиб, пиёдалар йўлаклари қайта таъмирланади, атрофига кўчатлар ўтқазилиб, йўл четига замонавий ёритиш чироқлари ўрнатилади. Шунингдек, фуқаролар хавфсизлигини таъминлаш мақсадида канал атрофлари тўсилиб, соҳилларига қулай бўлган ўриндиқлар ўрнатилади ҳамда ушбу жойларда фуқаролар сайр қиладиган кўркам масканлар барпо қилиш кўзда тутилган.
Изоҳ (0)