Марказий банк иккинчи кварталда ўтказган сўровномада 437 та ташкилот ва корхона, жумладан «Ўзбекнефтгаз», «Ўзбекэнерго», «Ўзқурилишматериаллари», «Ўзкимёсаноат», «Ўзшаробсаноат», «Ўздонмаҳсулот», «Ўзавтосаноат» ва бошқалар таркибига кирувчи компаниялар иштирок этди, деб ёзади Spot.
Сўровнома давомида иштирокчиларнинг 38 фоизи иккинчи кварталда ўз маҳсулотлари нархларини оширганлигини маълум қилди. Улардан 82 фоизи нархларини 15 фоиз чегарасида, жумладан, 31 фоизи 1—5 фоиз, 39 фоиз иштирокчилар 6—10 фоиз ва 12 фоиз сўровнома иштирокчилари 11—15 фоиз чегарасида оширган.
Иқтисодиёт соҳасида тоғ-кон саноатининг 60 фоиз корхона ва ташкилотлари, кимё саноатининг 47 фоиз, қурилиш материаллари саноатининг 39 фоиз, озиқ-овқат саноатининг 40 фоиз ва енгил саноатнинг 32 фоиз корхона ва ташкилотлари ўз маҳсулотлари қийматларини оширган.
Шунингдек, қурилиш ишлари соҳасидаги 77 фоиз, транспорт хизматлари соҳасидаги 48 фоиз ва тиббий хизматлар соҳасидаги 22 фоиз корхона ва ташкилотлар ўз маҳсулотлари нархлари ошганлигини қайд этган.
Бунда сўровнома қатнашчиларининг 65 фоизи нархлар ошишининг асосий омили сифатида хом ашё қийматлари ўсишини қайд этган. Жумладан, иштирокчиларнинг 22 фоизи хом ашё нархлари ошиши 1—5 фоиз, 39 фоизи 6—10 фоиз чегарасида, 16 фоизи 11—15 фоиз чегарасида эканлигини таъкидлаган.
Изоҳ (0)