Бугун,

  • USD 11095.31
  • RUB 173.84
  • EUR 10772.44

Бугун, 25 июль куни Мудофаа вазирлиги Спорт клуби бошлиғи бошчилигидаги ҳарбий спортчилар 28—31 июль кунлари Қирғизистоннинг Балиқчи шаҳрида бўлиб ўтадиган ҳарбий-амалий спортнинг «МП-3 ва КА-3 машқларида штатдаги ёки штатга илова қилинган жадвалдаги қуроллардан отиш» мусобақасида иштирок этиш учун Ислом Каримов номидаги Тошкент халқаро аэропортидан учиб кетди. Бу ҳақда вазирлик матбуот хизмати «Дарё»га маълум қилди.

Фото: Мудофаа вазирлиги матбуот хизмати

Фото: Мудофаа вазирлиги матбуот хизмати

Ушбу нуфузли мусобақалар ҳарбий-амалий спортнинг 7 та турини ўз ичига олган бўлиб, «Армия қўл жанги», «Командирлик стартлари», «Спорт ориентирланиши», «Тоғ уч кураши», «Кўп кураш ҳарбий спорт комплекси», «Офицерлар уч кураши» ва «МП-3 ва КА-3 машқларида штатдаги ёки штатга илова қилинган жадвалдаги қуроллардан отиш» каби баҳслар бўйича ўтказилмоқда.

Ўзбекистонлик ҳарбийлар 16—20 апрель кунлари Россиянинг «Игровой» универсал спорт мажмуасида ўтказилган «Командирлик стартлари», 26—29 июнь кунлари Белорус Республикаси пойтахти Минскда ҳарбий-амалий спортнинг «Кўп кураш ҳарбий спорт комплекси» тури бўйича бўлиб ўтган ҳалқаро мусобақаларда фахрли иккинчи ўринларни қўлга киритган эди.

Ушбу мусобақада Россия, Қозоғистон, Қирғизистон, Арманистон, Тожикистон ва Ўзбекистоннинг энг кучли мерганлари ўзаро куч синашади.

Мудофаа вазирлиги спорт клубининг энг ёрқин мерганлари – майор Инвер Османов, катта лейтенант Наталя Долбилина, кичик сержантлар Роман Голошапов, Артём Чернишёв, шартнома бўйича ҳарбий хизматчи оддий аскарлар Азизхон Муҳаммадраҳимов ва Яна Фатхи халқаро тоифадаги баҳсларда Ўзбекистон шарафини ҳимоя қилади.

Изоҳ
Asosiy yangiliklar
Дунё
«Дарё» кундалигида 9 декабрда содир бўлган энг муҳим воқеалар
Дунё
Қозоғистон Россияга зирҳли техника жўнатиши ҳақида хабарлар тарқалди (видео)
Маданият
Шаҳзода Гарри ва Меган Маркл янги ҳужжатли фильмда Елизаветта II ни масхаралаб, қироллик оиласи аъзоларини ирқчиликда айблади (видео)