АҚШ Донбассда референдум ўтказиш тўғрисидаги таклифни маъқулламайди, чунки унинг ўтказилиши ноқонуний бўларди, деб ҳисоблайди. Бу ҳақда АҚШ Давлат департаменти вакили Ҳизер Науэрт маълум қилди, дея хабар бермоқда Meduza.
Bloomberg маълумотларига кўра, Хелсинкидаги АҚШ—Россия саммити доирасидаги ўзаро музокаралар вақтида Владимир Путин Дональд Трампга Донбассда референдум ўтказишни таклиф қилган.
«Интерфакс» манбасининг баён этишича, бунда гап «Қрим сценарийси» (масалан, Донбассни Россия таркибига қўшиб олиш)ни такрорлаш ҳақида эмас, балки Донбассни Украина таркибидаги мухтор ҳудудга айлантириш масаласида бормоқда.
Россия Ташқи ишлар вазирлиги бу ғояни Минск келишувлари ўрнига эҳтимолий муқобил таклиф дея атаган эди.
Изоҳ (0)