Ўзбекистон Олий суди пленумининг мажлиси бўлиб ўтди. Унда биринчи марта лавозимга тайинланган жиноят, фуқаролик, маъмурий ва иқтисодий судлари судьяларининг қасамёд қабул қилиш маросими ўтказилди, дея хабар беради ЎзА.
Судьялар, Судьялар олий кенгаши аъзолари, ота-оналар, давлат ва жамоат ташкилотлари вакиллари иштирок этган тадбирда Олий суд раиси Козим Комилов ва бошқалар мамлакатда суд ҳокимиятининг чинакам мустақиллиги, фуқаролар ҳуқуқ ва эркинликларининг ишончли ҳимоясини таъминлаш, одил судловга эришиш даражасини ошириш борасида амалга оширилаётган ишлар юксак самара бераётганини алоҳида таъкидлади.
Мажлисда Судьялар олий кенгашининг 2018 йил 12 июлдаги қарори билан илк бор беш йиллик муддатга судьялик лавозимига тайинланган 25 нафар судья қасамёди эшитилди.
Тадбирга ташриф буюрган ота-оналар янги судьяларга оқ фотиҳа бериб, энг яхши тилакларни билдирди.
— Ўғлимнинг халқ манфаатини ҳимоя қилувчи масъулиятли вазифага тайинланиб, қасамёд қабул қилганидан қалбим ғурурга тўлди, – дейди сирдарёлик Зулфия ая Қурбонова. – Ўғлим шундай шарафли касб эгаси бўлиб, вилоят аҳолисига сидқидилдан хизмат қилишига ишонаман. Ҳар бир ота-она учун фарзанди эришаётган ютуқларни, жамиятимизга керакли инсон бўлаётганини кўриш олий бахтдир. Шундай экан, биз ҳамиша уларнинг келгуси ишларига омад тилаймиз.
Маросимда қасамёд қабул қилган судьяларга гувоҳномалар топширилди.
Изоҳ (0)