Япония расмийлари ўтган ҳафтада «Аум Синрикё» сектасининг асосчиси Секо Асахара қатл этилган ва кейин куйдирилган қамоқхонада хавфсизлик чоралари кучайтирилди. Полиция ва махсус хизматнинг хавфсирашича, Асахаранинг давомчилари унинг хокини ўғрилаши ва «қатл учун қасос» олиши мумкин. Бу ҳақда Meduza хабар берди.
Асахара (асл исми Тидзуо Мацумото) оиласининг аъзолари унинг хоки кимга берилиши юзасидан баҳслашмоқда. Мацумотонинг тўртинчи қизи унинг таълимотидан ажралган ва қариндошлари билан алоқа қилмайди. Айнан унинг таъкидлашича, отаси ўлими олдидан қамоқхона ходимларидан хокни ши қизига беришни сўраган. Унинг онаси ва бошқа болалар сўнгги йилларда бу қиз ақлий носоғлом бўлганлигини айтиб, хокни уларга беришни сўрамоқда.
Асахара ўзининг олти нафар сафдоши билан бирга 6 июль куни қатл қилинган. Улар 1995 йилда Токио метросида зарин ҳужумини ташкил этганликда айбланган. Ҳужумда 13 киши ҳалок бўлган, тахминан олти минг киши жабрланган.
Асахара 2004 йилда ўлим жазосига ҳукм қилинган. Яна бир неча киши худди шундай жазонинг ижро этилишини кутмоқда.
Изоҳ (0)