АҚШ президенти Дональд Трамп Россия президенти Владимир Путин учун «кичкина совға» тайёрлагани ҳақида гапирди, деб ёзмоқда «РИА Новости».
Трампнинг айтишича, у Путин учун кичкина совға тайёрлаган, унинг қандай совға эканлиги эса у Путинга совға қилинганда маълум бўлади.
Аввалроқ Трамп Путинни ўзининг рақиби деб атаган ва у билан бўладиган учрашув Буюк Британия бош вазири Тереза Мэй билан музокаралардан енгилроқ бўлиши мумкинлигини таъкидлаган.
Путин ва Трамп ўртасидаги учрашув 16 июль куни Хельсинкида бўлиб ўтади. Икки давлат етакчилари икки томонлама ҳамкорлик ва халқаро сиёсатнинг долзарб масалаларини муҳокама қилишни режалаштирган. Бу тадбир икки президентнинг саммитга боғланмаган биринчи тўлиқ форматдаги учрашуви бўлади.
Изоҳ (0)