Японияда кучли ёмғирлар туфайли кузатилаётган сув тошқинлари оқибатида ҳалок бўлганлар сони 140 кишидан ҳам ошиб кетган. Яна 70 дан ортиқ киши бедарак йўқолган, деб хабар беради «ТАСС».
«Ҳозирги вақтда сув тошқинлари туфайли 134 киши ҳалок бўлди. Яна 7 киши клиник ўлим ташхиси билан шифохонага тушган. Яна 10 киши бедарак йўқолган. 78 кишининг қаерда эканлиги номаълум», — дейилади хабарда.
Қайд этилишича, ҳукумат табиий офат асоратларини бартараф этиш учун 64,8 миллион доллар ажратган.
Қидирув-қутқарув ишларига Япония полицияси, мамлакат ҳарбий кучларидан иборат 75 минг киши жалб этилган.
Изоҳ (0)