Японияда «Аум Синрикё» сектасининг ўтган ҳафтада қатл этилган собиқ етакчиси Секо Асахара (ҳақиқий исми Тидзуо Мацумото)нинг жасади кремация қилинди, деб хабар беради «Интерфакс».
Асахаранинг ҳоки кремациядан сўнг қайта қамоқхонага олиб кетилди.
Ҳозирги кунда мамлакат ҳукумати Асахаранинг ҳокини унинг бевасига бериш мумкинлиги масаласини кўриб чиқмоқда.
Аввалроқ, Асахара ва унинг рафиқаси ушбу сўров билан ҳукуматга мурожаат қилган эди.
Ўтган ҳафтада Асахара билан унинг яна олти нафар издоши қатл қилинди. Яна олти киши эса ўлим жазоси адо этилишини кутмоқда.
1994 йилда «Аум Синрикё» тарафдорлари Нагано префектурасидаги Мацумото шаҳрида зарин газини сочган, оқибатда етти киши қурбон бўлган. 1995 йил мартида эса сектантлар Токио метросида зарин сепиб, иккинчи терактни амалга оширган, ўшанда 13 киши ҳалок бўлган, олти мингдан ортиқ киши турли даражада заҳарланган эди.
1995 йил мартидан секта фаолияти дунёнинг барча мамлакатларида тақиқланган.
Изоҳ (0)