Самолёт бортида кўзи ёриган қирғизистонлик аёл фарзандига авиакомпания шарафига Уралбек деб исм қўйди, деб хабар беради «24.kg».
Россиянинг «Уралские авиалинии» компанияси бортида эсон-омон фарзандини қўлига олган Маҳбуба Сермаматованинг оиласи шундай қарорга келган. Лайнер «Ўш—Екатеринбург» йўналиши бўйлаб парвоз қилаётган эди.
Маҳбуба Сермаматованинг айтишича, у фарзандини август ойида дунёга келтириши керак эди. Шунинг учун ҳам у ҳотиржам ҳолда турмуш ўртоғи билан самолётга чиққан.
Бироқ самолёт ҳавога кўтарилганида унда тўлғоқ бошланган. Борт кузатувчилари туғуруқни қабул қилган. Оғирлиги 2,6 килограмм ва бўйи 47 сантиметр бўлган ўғил бола соғлом дунёга келган. Бу Маҳбубанинг иккинчи ўғли. Унинг катта ўғли 2,5 ёшда. Маҳбуба бир неча йиллардан бери оиласи билан Челябинскда ишлаб, яшаб келади. Ўшга улар таътилга келган эди.
Изоҳ (0)