Ражаб Тоййиб Эрдўғон қасамёд қилди ва яна бир бор Туркия президентлиги лавозимига киришди. Маросим Анқара шаҳридаги парламент биносида бўлиб ўтди. Бу ҳақда «Корреспондент.net» хабар берди.
Қасамёд маросимидан кейин Эрдўғон «Ҳаммаси бутун халқнинг кўз олдида ажойиб ўтди. Умид қиламанки, бундан буён Туркияда ҳаммаси яхши кетади», — деб таъкидлаган.
Кейин эса Эрдўғон Туркия Республикаси асосчиси Мустафо Камол Отатурк мақбарасига йўл олган ва у ерда ёдгорлик пойига гулчамбар қўйган.
Шу билан бирга, Туркия бошқарув шаклини ўзгартириб, парламентар республикадан президентлик республикасига айланди.
Бугун Туркия вазирлар маҳкамасининг янги таркиби эълон қилиниши кутилмоқда. Мамлакат ҳукуматида вазирлар сони 21 кишидан 16 кишига қисқаради, бунда баъзи идоралар бирлаштирилади. Шунингдек, бош вазир лавозими тугатилади.
Туркияда жорий йилнинг 24 июнь куни муддатдан аввал президентлик сайлови бўлиб ўтди. Унда 52,5 фоиз овоз билан Ражаб Тоййиб Эрдўғон ғолиб чиқди. Унинг асосий рақобатчиси Муҳаррам Инжи 31,5 фоиз овоз тўплади.
Изоҳ (0)