Мисрлик археологлар Александрия шаҳрида қора гранитдан ишланган саркофаг (қадимги тош тобут) топди, деб ёзмоқда Khaleej Times.
Қазилмалар Миср тарихининг Птолемей даврига оид. Бу давр милоддан аввалги 332—30 йилларни ўз ичига олган.
Саркофаг Сиди Габер шаҳрида олиб борилган қазиш ишларида давомида 5 метр чуқурликдан топилган. Бу Александриядан топилган энг йирик саркофаглардан биридир. Саркофагнинг бўйи —185, узунлиги — 265, эни — 165 сантиметр. Саркофаг бирор марта ҳам очилмагани аниқланган, бу тобут кимга тегишли экани ҳозирча номаълум. Саркофаг билан биргаликда алебастрдан ясалган одамнинг бош қисми ҳам топилган, эҳтимол, у дафн қилинган эркакни тасвирлаш учун яратилгандир.
Аввалроқ Жосера поғонали пирамидасида Осирис худосининг ҳайкали топилгани хабар қилинган эди. Ҳайкал пирамиданинг кириш қисмидаги темир блоклар орасидан топилган. Ҳайкалнинг баландлиги — 63 сантиметр. Энг кенг қисмининг эни — 15 сантиметр.
Изоҳ (0)