Тагига олмайдиган идиш-товоқлар таркибидаги моддалар одам организмига кирса, саратонни келтириб чиқариши мумкин, деб ёзади «РИА Новости» АҚШ атроф-муҳит муҳофазаси агентлиги ҳисоботига таяниб.
Тадқиқот маълумотларига кўра, тагига олмайдиган қопламасига шикаст етган това ёки кастрюлдан фойдаланишда, одамга перфтороктан кислотаси таъсир қилиши мумкин. Бу модда сув ва олов ўтказмайдиган материаллар таркибида ҳам бўлади.
Таъкидланишича, перфтороктан кислотаси заррачалари заҳарли хусусиятларга эга бўлиб, одам организмига кирганида саратон ривожланиши, холестерин миқдорининг ошиши ва иммун тизими функциясининг сусайишига олиб келади.
Лаборатория ҳайвонлари устида олиб борилган тадқиқотлар бу модда жигар, меъда ости бези ва жинсий органларда шишлар пайдо бўлишига шароит яратишини кўрсатди. Бундан ташқари, перфтороктан кислотаси бепуштликка ҳам олиб келиши мумкин.
Изоҳ (0)