Олимлар бир неча йиллик таҳлилдан сўнг саратон касалини келтириб чиқарувчи асосий икки маҳсулотни аниқлади, деб хабар беради Sputnik Which нашрига таяниб.
Олимлар фикрига кўра, ошқозон ва ичакларда саратон касаллигининг пайдо бўлишига биринчи навбатда қайта ишланган қизил гўшт истеъмол қилиш сабаб бўлар экан. Аниқроғи, гўштнинг ўзи эмас, уни узоқроқ сақлаб туриш учун ишлаб чиқарувчилар томонидан қўшиладиган нитрат ва нитрит кимёвий моддалари саратонни келтириб чиқарар экан.
«Кунига 50 грамм бекон истеъмол қилиш саратон касали пайдо бўлиши эҳтимолини 18 фоизга оширади», — дейилган хабарда.
Саратон касалини келтириб чиқарувчи озиқ-овқатлар орасида иккинчи ўринда шакар турар экан. Бу борада аниқ далил-исботлар топилмаган бўлса-да, бугунги кунда шакар жуда кўп маҳсулотлар таркибига қўшилиши ва бунинг оқибатида одамларда ортиқча вазн пайдо бўлиши исботланган. Маълумки, ортиқча вазн саратон эҳтимолини бир неча баробар оширади.
Шу ўринда олимлар организмда канцероген моддалар ошиши ва саратон касали пайдо бўлиши олдини олиш мақсадида кўк чой, куркума, анор, балиқ, черника ва кўпроқ мева-сабзавотлар истеъмол қилишни маслаҳат бермоқда.
Изоҳ (0)