Диабетга қарши қўлланиладиган машҳур метформин препарати диабет билан оғриганларни нафақат инсулин етишмаслиги ривожланишининг оқибатларидан ҳимоялайди, балки ҳужайраларни радиация таъсиридан ҳам муҳофаза қилади. Буни Россия фанлар академиясининг Назарий ва экспериментал биофизика институти олимлари аниқлади, деб ёзмоқда «РИА Новости».
Диабет билан оғриганларга қондаги қанд миқдорини камайтиришга ёрдам берувчи машҳур восита метформин сўнгги йилларда тиббиёт ва биологиянинг бошқа соҳалари олимларининг диққатини торта бошлади. Сичқонларда ўтказилган тажрибалар кўрсатишича, мазкур препарат соғлом ҳайвонларнинг умрини узайтириши мумкин, уларни саратон ривожланишидан ҳимоя қилади ва болалар ўсишини тезлаштиради.
Россиялик олимлар метформиннинг яна бир фойдали хусусиятини очган. Бунда мазкур препаратнинг ўлик ҳужайралар қисмларининг ажралиб чиқиш тезлигига ва улар ДНКларининг организмдан чиқиш тезлигига таъсирини кузатган.
Аниқланишича, метформин бу жараённи тезлаштиради ва организмга стресс ва ҳужайраларнинг оммавий ўлиш жараёнини яхшироқ ўтказишга ёрдам беради. Метформин саратонни даволашда ёруғлик терапияси самарадорлигини оширади. Бу эса дори воситасининг антирадиацион хусусиятга эга эканлииги ҳақида хулосани келтириб чиқарган.
Каламуш ва сичқонларда рентген нурларининг ўлдириш даражаси билан ўтказилган тажрибаларнинг кўрсатишича, метформинни қабул қилиш ҳақиқатдан ҳам радиацион нурланишдан ҳимоя қилишга ёрдам беради.
Изоҳ (0)