Misrlik arxeologlar Aleksandriya shahrida qora granitdan ishlangan sarkofag (qadimgi tosh tobut) topdi, deb yozmoqda Khaleej Times.
Qazilmalar Misr tarixining Ptolemey davriga oid. Bu davr miloddan avvalgi 332—30-yillarni o‘z ichiga olgan.
Sarkofag Sidi Gaber shahrida olib borilgan qazish ishlarida davomida 5 metr chuqurlikdan topilgan. Bu Aleksandriyadan topilgan eng yirik sarkofaglardan biridir. Sarkofagning bo‘yi —185, uzunligi — 265, eni — 165 santimetr. Sarkofag biror marta ham ochilmagani aniqlangan, bu tobut kimga tegishli ekani hozircha noma’lum. Sarkofag bilan birgalikda alebastrdan yasalgan odamning bosh qismi ham topilgan, ehtimol, u dafn qilingan erkakni tasvirlash uchun yaratilgandir.
Avvalroq Josera pog‘onali piramidasida Osiris xudosining haykali topilgani xabar qilingan edi. Haykal piramidaning kirish qismidagi temir bloklar orasidan topilgan. Haykalning balandligi — 63 santimetr. Eng keng qismining eni — 15 santimetr.
Izoh (0)